घर कहाँ हो अंकल?

-

धेरै समयपछि फेरि कविताजस्तो लाग्ने केहि लेख्ने धृष्टता गरियो, सरस्वती माताको कृपाले । बाल-दार्शनिकलाई धन्यवाद ।

परेलीमा अल्झिरहेको निद्रा झार्दै
उही दैनिक मुसे दौडमा सहभागी हुन
हतारहतार गर्दै फेरि एकपटक घरबाट निस्कनै लाग्दा
सानो थानेदारझैँ लाग्ने तिमीसति जम्काभेट हुन्छ
बुट्टे झ्यालको पर्दा उघार्दै
क्षितिजमा बालसूर्य उदाएझैँ उदाउँछौ जब तिमी
तब म मेरो बाल्यकाल बिर्सन्छु
आमाको सारीको फेर समात्दै
गाउँबेसी हुँदै कालीकिनार पुग्छु
जब तिमी अर्थात् बाल–दार्शनिक
समय टक्क अडिएको बेला, मेरो अन्तरात्मा हल्लिने गरी
सोध्छौः हजूरको घर कहाँ हो अंकल भनी
मलाइ ज्ञान प्राप्त भइहाल्छ
परदेशी हुँ, धेरै टाढा जानु पो छ त
दिनभरि तिम्रो गंभीर प्रश्नले लखेटिरहन्छ
निरूत्तर म भागिरहन्छु, भागिरहन्छु, भागिरहन्छु
देवेन्द्र गौतम

Comments

Post a Comment

Popular posts from this blog

पहाडमें क्या रक्खा है? सबकुछ रक्खा है भइ

-
Image
हामी ठुलो इंजिनका पार्टपुर्जाबाहेक केही हुन सकेनौँ, क्यारेमका गोटी बाहेक, बुद्धिचालका प्यादाबाहेक केही हुन् सकेनौँ, हाम्रो वीरता अपवादबाहेक राष्ट्ररक्षामा प्रयोग नै हुन सकेन, यो वा त्यो साम्राज्यको रक्षा वा विस्तारमा मात्र उपयोगी रह्यो, आफ्नै घरमा आगो लगाएर खरानीको होली खेल्नेबाहेक अरू केही उद्योग गर्न सकेनौँ हामीले भन्ने सम्झिँदा असाध्यै दिक्क लाग्छ ।   देवेन्द्र गौतम इण्डियामा सत्तासीन बिजेपीका नेता शुभेन्दु अधिकारीले पश्चिम बङ्गालको सत्ताको बागडोर सम्हालेपछि सामाजिक संजालमा एउटा ‘सूचना’ वाइरल भइरहेको छ। त्यस सूचनाको भर पर्ने हो भने पश्चिम बंगालका मुख्यमन्त्री अधिकारीको पुर्ख्यौली घर नेपालको काभ्रे जिल्लामा पर्दोरहेछ। पश्चिम बंगालका मुख्यमन्त्री शुभेन्दु अधिकारीको पुर्ख्यौली घर नेपालको काभ्रेमा पर्दोरहेछ भन्ने 'सूचना' वाइरल भइरहेको छ सामाजिक संजालमा । लौ उनी नेपाली मूलकै होलान् रे। कति पुस्ताअघि गएका थिए त तिनका वंशज ‘अवसरको’ खोजीमा ‘...पहाडमें क्या रक्खा है’ गाउँदै? अब उतैका भइसके, उतैको स्वार्थ हेर्छन्, हाम्रो हेर्छन् र भन्या? महाराष्ट्रका ब्राह्मणहरू पनि अधिकारी थरका हुन्...
Read more

दुई दिनको जिन्दगी र युगीन प्रश्नहरू

-
Image
  देवेन्द्र गौतम  विक्रम संवत २०८३ को जेठ महिनाको एक बिहान, सङ्कटा मन्दिर परिसरमा पाइला अडिएका छन् बिग्रेको घडीको सूइ जस्तै । खोइ किन हो शंकर कोइरालाको सुर्तिको पातमा अडिएको जिन्दगी सम्झिरहेछु । एक झमट पुन: पढ्न मन छ । मन्दिरको उत्तरपूर्वी छेउमा दुई लहरमा माग्नेहरू बसिरहेका छन्। त्यही लहरमा एक महिला निष्फिक्री धुवाँ उडाइरहेकी छिन्।  न वर्तमानको चिन्ता, न भविष्यको सुर्ता, यसैगरी बिताइदिन्छु दुई दिनको जिन्दगी, होइन त?  उनीसँगै बसेकी अलि कम उमेरकी महिला आफ्नो प्यारो सन्तति खेलाइरहेकी छिन् आकाशतिर उफार्दै।  को चाहन्न होला आफ्ना शाखासन्तानले आकाश छोऊन् भन्ने।  कसलाई लाग्दैन होला आफ्ना सन्तति आफू  पुग्न नसकेको गन्तव्य पुगून् भन्ने? को चाहन्न होला आफ्ना शाखासन्तानले आकाश छोऊन् भन्ने?  कसलाई लाग्दैन होला आफ्ना सन्तति आफू  पुग्न नसकेको गन्तव्य पुगून् भन्ने, सबैसबै दमित इच्छाआकांक्षा पूरा गरून् भन्ने?  तर खोइ के हुन्छ हुन्छ जीवनमा जोड, घटाउ, भागा, गुणन नमिलेपछि ।  बिरूवा हुन्,  मलजल पुगेन होला, वात्सल्यको कमी भयो होला सदा हल्लिरहने गार्...
Read more

हावामा पैसा

-
Image
देवेन्द्र गौतम लक्ष्मी चंचलाश्री हुन्छिन् अर्थात् ऐश्वर्यकी देवी एकै ठाउँ बस्दिनन् भनिन्छ। एकसेएक अर्थशास्त्री भएको अनि उहाँहरू सबै डलरको पहाडमुनि ( डलर थुप्रियो , अब के गर्ने ? भन्ने किसिमका चित्रविचित्र   समाचारहरू आइरहेको परिप्रेक्ष्यमा ) राष्ट्रिय अर्थतन्त्रलाई गति दिन खाइनखाइ खटिइरहेकाे यस देशको यस कालखण्डमा अकिञ्चनले उपरोक्त विषयमा धेरै बोल्नु / लेख्नु मनासिव नहोला किन पनि भने ऊसमेत सम्बद्ध निजी संचार क्षेत्र हरितन्नम अवस्थामा छ त्यहाँ रजगज गरिरहेका केही हात्ती , गैँडा , बाघ , चितुवा , डाइनोसरहरूलाई बिर्सिदिने हो भने।   त्यसै पनि यस भेकका विशुद्ध कलमजिवीहरूको कहिले दाहिना थिइन् र लक्ष्मी जाली तम्सुक लेखकहरूलाई कलमजिवी नमान्ने हो भने ?    जे होस् , देखे - बुझेको कुरा रिट्ठो नबिराइ लेख्न त पाइएला कि अभिव्यक्ति स्वतन्त्रताको सूर्य चम्किरहेको यस युगमा ?    एउटा लोकप्रिय गीतको अंशबाट यो लेख अघि बढाऊँ : बेनीको बजार , जता माया उतै छ नजर , उल्...
Read more